प्रधानमन्त्रीको नाम नै करप्रसार ओल


विराटनगर : नेपाली कांग्रेसका सभापति शेरबहादुर देउवाले वाइडबडी विमान खरिदमा भएको घोटला प्रकरणमा राष्ट्रको धन कसैलाई लुट्न नदिने बताएका छन्। नेपाल राष्ट्रिय मगर संघले मोरङको लेटाङमा आयोजना गरेको प्रदेशस्तरीय प्रशिक्षण कार्याक्रमको उद्घाटन गदै सभापति देउवाले वाइडबडी विमान खरिद प्रकरणमा भष्ट्रचार गर्ने जो कोहीमाथि कारबाही हुने र नेपाली कांग्रेसले कसैलाई छुट नदिने चेतावनी दिएका हुन्। पूर्वप्रधानमन्त्री समेत रहेका देउवाले वाइडबडी विमान खरिद प्रकरणमा भष्ट्राचार भएको आशंका जाहेर भएको भन्दै आफ्नो पार्टी प्रतिपक्षमा रहे पनि कांग्रेसले यो प्रकरणमा संलग्न कसैलाई नछाडने र देशको पैसा लुटन नदिने बताए। उनले सरकारले वाइडबडी विमान खरिद प्रकरणको छानबिन गर्न अर्को कमिटी बनाएर सरकारले तथ्य लुकाउन खोजेको आशंका व्यक्त गरे। सभापति देउवाले ओली नेतृत्वको सरकारले कर थोपरेर तिर्न नसक्ने अवस्थामा उद्योगी व्यवसायी पुगेको बताए। उनले भने, ‘ओलीको सरकारले कर थोपर्नेबाहेक केही काम गरेन। त्यसैले, मैले त प्रधानमन्त्रीको नाम नै करप्रसार ओली राखेको छु।’ सभापति देउवाले वर्तमान सरकारले शान्ति सुरक्षाको आधारभूत कामसमेत गर्न नसकेको भन्दै सरकार असफल भएको बताए। उनले निर्माला पन्तको हत्यारालाई सरकारले बचाउन खोजेमा कांग्रेसले देशव्यापीरूपमा आन्दोलन गर्ने चेतावनी दिँदै कञ्चनपुर घटनामा सरकारको भूमिका संदेहको घेरामा रहेको आरोप पनि लगाए।

यो समाचार  थाहा खबर डट कम  बाट साभार गरिएको हो । यो समाचार तयार गर्नमा नेपाल ट्याक्स अनलाइनको कुनै संलग्नता छैन ।

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links