दोहोरो कर प्रणाली हटाउन परराष्ट्रमन्त्रीलाई बीएनसीसीको ध्यानाकर्षण

काठमाडौँ — बेलायती व्यवसायीहरुले नेपालमा लगानी गर्ने वातावरण बनाउनेबारे ब्रिटेन–नेपाल चेम्बर अफ कमर्स(बीएनसीसी)का अध्यक्ष राजन कँडेलले परराष्ट्रमन्त्री प्रदीप ज्ञवालीसित भेटवार्ता गरेका छन् ।


बेलायती व्यवसायीहरुले नेपालमा लगानी गर्ने इच्छा व्यक्त गरेको तर नेपालको वातावरण लगानीमैत्री नभएको चर्चा चलिरहेका बेला ब्रिटेन चेम्बरका अध्यक्ष कँडेल र परराष्ट्रमन्त्री ज्ञवालीबीच भेटवार्ता भएको हो ।

परराष्ट्र मन्त्रालयमा भएको भेटवार्तमा बेलायती कम्पनीहरुलाई नेपालमा लगानी गर्दा लाग्ने दोहोरो कर प्रणाली हटाउनेबारे पनि छलफल भएको ब्रिटेन–नेपाल चेम्बर अफ कमर्शका अध्यक्ष राजन कँडेलले बताए । नेपालमा बेलायती लगानी बढाउनेबारे परराष्ट्रमन्त्री सकारात्मक भइको कँडेलले बताए । कँडेलले मन्त्री ज्ञवालीलाई बेलायत भ्रमणको निम्तो समेत गरेका छन् ।

नेपाल र बेलायतबीच मैत्रीपूर्ण एवम् कूटनीतिक सम्बन्ध भए पनि नेपालमा लगानीमैत्री वातावरण बन्न नसकेकोप्रति धेरै व्ययसायीले चिन्ता व्यक्त गर्दै आएका छन् । मूलत: नेपालको राजनीतिक अस्थिरताका कारण पनि लगानीकर्ताहरु नेपालमा लगानी गर्न हिचकिउँदै आएका छन् ।

(श्रोत- कान्तिपुर प्रकाशित : चैत्र ९, २०७४ )



 

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links