कर छली गरेर ल्याइएको २५ बोरा सुर्तीसहित गाडी नियन्त्रणमा


सुर्खेत । राजश्व छलेर ल्याइएको अखाद्य वस्तुसहितको गाडी सुर्खेत प्रहरीले नियन्त्रणमा लिएको छ । निषेधाज्ञाको समयमा पनि राजश्व छलेर वीरेन्द्रनगर ल्याइएको अखाद्य वस्तुसहित मार्सल जनरल स्टोर (वीरेन्द्रनगर) को गाडी प्रहरीले नियन्त्रणमा लिएको हो ।  सो स्टोरको नाममा रहेको कर्णाली प्रदेश ० २००१ क ०१२१ नम्बरको गाडी केही समय अघि  प्रहरीले कब्जामा लिएको हो । गाडीमा २५ बोरा कर छली गरेर ल्याइएको सुर्ती रहेको पाइएको छ । 

जिल्ला प्रहरी कार्यालय सुर्खेतका सूचना अधिकारी प्रहरी नायब उपरिक्षक रामप्रसाद घर्तीले  अवैध सामाग्री आएको सूचनाका आधारमा चेकजाँच गर्दा उक्त वस्तु फेला परेको बताए ।  बाहिर चाउचाउ लगायतका खाद्य वस्तुले छोपिएको थियो’ उनले भने, ‘गाडी भित्र गोल्डेन कम्पनीको कर छली गरी ल्याइएको ५ लाख बराबरको सुर्ती फेला परेको छ ।’  नियन्त्रणमा लिइएको सूर्ती आवश्यक कारवाहीका लागी आन्तरिक राजश्व कार्यलय सुर्खेतमा पठाइएको उनले बताए ।   यस्तै गाडीका चालक अशोक शाहीलाई  नियन्त्रणमा लिई आवश्यक अनुसन्धान थालिएको घर्तीले बताए ।

(यो समाचार रातोपाटी १९ बैशाख २०७८ मा प्रकाशित लेख बाट साभार गरिएको हो । यो लेखमा व्यक्त रायमा नेपाल ट्याक्स अनलाइनको कुनै संग्लग्नता रहेको छैन )

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links