NMB Bank

Nepal Life Insurance

गाडी किन्ने तयारीमा हुनुहुन्छ ? यस्ता छन् सवारीधनीले तिर्नुपर्ने करका दर

काठमाडौं । लामो समयदेखि मोटरसाइक प्रयोग गरिरहेको सवारी प्रयोगकर्ता आफ्नो आवश्यकता अनुसार इन्ट्री लेभलका कार खरिद गर्न थालेको छन् ।

बजारमा अहिले १५ लाख रुपैयाँ पर्ने इन्ट्री लेभलका कारदेखि ४ करोड रुपैयाँसम्ममा लक्जरी कार पाइन्छ ।


शहरी क्षेत्रको बढ्दो प्रदुषण र अस्तव्यस्त सार्वजनिक सवारी साधनकै कारण कार तथा जिप खरिद गर्नेको संख्या बढ्दो छ ।

तर, चालु आवमा भने निजी सवारी साधन कार तथा जिप खरिद गर्नेको संख्या भने ५० प्रतिशतले घटेको छ । बैंकले उपलब्ध गराउँदै आएको सहुलियत दरको सवारी कर्जाका कडाईका कारण निजी सवारी प्रयोग कर्ताको संख्यामा कमी आएको छ ।

कुनै बेला बैंकले १० देखि २० प्रतिशत डाउन पेमेन्ट गरेको अवस्थामा सवारी कर्जा उपलब्ध गराउँर्थे तर, अहिले ३५ देखि ४० प्रतिशत डाउन पेमेन्ट अनिर्वाय भएसँगै निजी सवारी खरिदमा कमी आएको छ ।

सवारी खरिद गर्दादेखि प्रयोग गरेवापत सरकारलाई वार्षिक कर भने ग्राहक तिुनपर्ने हुन्छ ।

सरकारले सवारी खरिद गर्दा एक पटक सडक संम्भार तथा मर्मत शुल्क र सवारी साधन कर भनेर वार्षिक कर संकलन गर्ने गरेको छ ।

सडक सम्भार तथा मर्मत शुल्क वापत सरकारलाई सवारी खरिदकर्ताले कुल लागत मूल्यको सात प्रतिशत अर्थात २० लाखको गाडी खरिद गर्दा १ लाख ४० हजार रुपैयाँ कर तिुर्न पर्नेहुन्छ ।

कार, जिप, भ्यान, माइक्रो बस, ट्रक टिपर, ट्रक मिक्सचर, मिनिबस, मिनिट्रक र मिनिटिपरधनीले सवारी मूल्यको ७ प्रतिशत रकम सडक सभार तथा मर्मत शूल्क वापत तिर्नुपर्छ ।

यसैगरी सवारी प्रयोगकर्ताले कार, जिप, भ्यान र माइक्रोबसको भने वार्षिक सवारी साधन कर सीसीका आधारका दाखिला गर्नुपर्नेहुन्छ ।

सरकारले तोकेको करको दरमा सवारी साधनको क्षमता अनुसार १ हजार सीसीसम्मको १९ हजार, १००१ देखि १५०० सीसीसम्मको २१ हजार, १५०१ देखि २००० सीसीसम्मको २३ हजार, २५०१ देखि २९०० सीसीसम्मको ३७ हजार र त्यसभन्दा माथिको ५३ हजार रुपैयाँ वार्षिक सवारी कर तिर्नुपर्ने हुन्छ ।

यसैगरी डोजर, एक्साभेटर, लोडर, रोलर,ट्रिपर र क्रेन जस्ता मेशिनरी उपकरणको वार्षिक सवारी कर ३५ हजार रुपैयाँ लाग्छ । यस्तैगरी मिनिट्रिपरको २५ हजार र मिनिट्रक÷बसको २२ हजार वार्षिक सवारी कर तिनुपर्छ ।

यसैगरी भाडाको प्रयोजनका लागि दर्ता भएका कार तथा जिपले ८ हजार रुपैयाँदेखि १५ हजार रुपैयाँसम्म र निर्माणमा प्रयोग हुने उपकरणले १७ हजार रुपैयाँ वार्षिक कर तिर्नु पर्नेहुन्छ ।

मिनिबस÷मिनिट्रकले १२ हजार, मिनिट्रिपरले १४ हजार र ट्रक/बसले १६ हजार कर तिुर्नपर्ने सरकारी नियम छ ।

श्रोत: क्लिकमान्डू डट कम 

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links