टुटलको ३ करोड कर निर्धारण हुँदा बंगालदेशी कम्पनी पठाओले ३० लाख तिनुपर्ने

काठमाडौं । काठमाडौंको सहज सवारीका लागि विगत केही समयदेखि सञ्चालनमा रहेको ‘पठाओ’ ले ३० लाख रुपैयाँ कर तिर्नुपर्ने भएको छ ।

बंगालदेशी कम्पनी ‘पठाओ’ एकवर्षदेखि संचालनमा रहेको छ ।

दुई पांग्रे सवारी सेवा सञ्चालन गर्दै आएको पठाओले यात्रुसँग मूल्य अभिवृद्धि कर असुल गरेपनि सरकारलाई भने कर तिरेको थिएन । आन्तरिक राजश्व कार्यालयले पठाओलाई तत्काल ३० लाख रुपैयाँ कर तिनुैपर्ने गरी निर्धारण गरेको हो ।

राइड सेयर सेवाको रुपमा सञ्चालनमा रहेको पठाओ र टुटल सेवा करको दायरामा नआएको भन्दै लामो समयदेखि विवादमा रहँदै आएको थियो ।

सेवा सञ्चालन गरिरहेकाहरु कर तिर्नुनपर्ने जिकिरमा थिए भने सरकार जसरी भएपनि कर उठाउने पक्षमा थियो । लामो समयको विवाद पछि आन्तरिक राजश्व कार्यालयले पठाओलाई करको दायरामा ल्याउन लागेको हो ।

आन्तरिक राजश्व कार्यालयले पठाओ सेवालाई करको दायरामा ल्याउने प्रक्रिया लामै समयदेखि चलेको थियो । त्यसमा ठोस निर्णय भएको छ , उक्त कार्यालयउले उल्लेख गरेको छ ।

प्रारम्भिक रुपमा गरिएको अध्ययनका आधारमा उक्त कराको परिणाम निर्धारण गरिएको हो, आन्तरिक राजश्व कार्यालय स्रोतले भन्यो ।

यसअघि कर कार्यालयले टुटललाई ३ करोड रुपैयाँभन्दा बढी कर तिर्नुपर्ने उल्लेख गरेको छ । भ्याट उठाएर सरकारलाई दाखिला नगरेको कर कार्यालयको भनाई छ ।
यद्यपी टुटल संचालकले कमिसनमा कर नलगाएर कारोबारमा कर लगाउने काम गरेको बताएका छन् ।

टुटल सेवा अब भ्याटमा दर्ता हुनुपर्छ र नियमानुसार कर तिर्नु पर्छ, अन्यथा सेवा सञ्चालन गर्न समेत पाइने छैन, आन्तरिक राजश्व कार्यालय स्रोतको भनाइ छ ।
निश्चित रकम भन्दा बढी वार्षिक कारोवार गर्ने जुनसुकै निकायले पनि भ्याटको दायरामा आउँनु पर्छ । सोही आधारमा पठाओलाई करको दायरामा ल्याइएको हो , अब उम्कने ठाँउ छैन ।

अहिलेको यातायात ऐन अनुसार रातो नम्बर प्लेटले यात्रु बोक्न पाइदैन । दुवै सेवा प्रदायक कम्पनीले मोबाइल एप्स मार्फत मोटरसाइकल चालक र यात्रुबीच मध्यस्तकर्ताको काम गर्दै आएका छन् ।

टुटल र पठाओले यात्रु बोक्ने विषयमा विवाद भइरहेको छ ।

जसको निश्चित प्रतिशत रकम कम्पनीले लिन्छ भने बाँकी मोटरसाइकल चालकले लिने गरेका छन् । अहिले दुवै कम्पनीमा गरेर १० हजारभन्दा बढी मोटरसाइकल चालकले यस्तो काम गर्दै आएका छन् ।

यो समाचार  क्लिकमान्डु डटकम बाट साभार गरिएको हो । यो समाचार तयार गर्नमा नेपाल ट्याक्स अनलाइनको कुनै संलग्नता छैन।

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links