अर्थमन्त्री खतिवडाले यी क्षेत्रमा बढाउँदै छन् कर, जनतालाई पर्दैछ थप भार

काठमाडौं । अर्थमन्त्री डा. युवराज खतिवडा बजेट निर्माणको अन्तिम चरणमा छन् ।

संविधानमा उल्लेख भए अनुसार आगामी बुधबार संघीय संसद्मा आगामी आर्थिक वर्षको लागि बजेट सार्वजनिक हुँदैछ ।

चालु आर्थिक वर्षको बैशाख मसान्तसम्म आइपुग्दा १ खर्ब रुपैयाँको राजस्व लक्ष्य अनुसार संकलन भएको छैन ।

आगामी आर्थिक वर्षमा कर्मचारीको तलब बढाउने र बृद्धभत्ता बढाउने तथा अन्य लोकप्रिय कार्यक्रम घोषणा गर्नुपर्ने दवाव अर्थमन्त्रीलाई छ । यसको लागि राजस्वको लक्ष्य भेट्टाउनुपर्छ ।

बजेट नै बजारमा केही वस्तुको अभाव देखिन भने थालेको छ । खास गरेर नेगेटिभ लिष्टमा पर्ने रक्सी र चुरोटको कर बजेटले बढाउने छ ।

स्वास्थ्यलाई खराब गर्ने हुँदा रक्सी र चुरोटमा लाग्ने कर हरेक वर्ष विश्वभर नै बढाइने गरिन्छ । अर्थमन्त्री खतिवडाले रक्सी र चुरोटमा कर बढाउने छन् ।

यस बाहेक हल्का पेय पदार्थमा समेत केही कर बढ्ने छ ।

अर्थमन्त्री खतिवडाले अघिल्लो वर्षदेखि नै राजस्व बढाउनको लागि मुहाननै सफा गर्ने भन्दा भन्सारमा सन्दर्भ मूल्य लागु गरेका छन् । यसले कपडा,जुत्ता र झोला जस्ता वस्तु आयत हुँदा लाग्ने कर बढेको छ ।

यसबाहेक सन्दर्भ मूल्य कार्यान्वयन ठूलो सफलता सरकारलाई प्राप्त भएको छैन । चालु आर्थिक वर्षमा ८ खर्ब ३१ अर्ब रुपैयाँको राजस्व संकलन गर्ने लक्ष्य राखिएको छ ।

महालेखा नियन्त्रक कार्यालयका अनुसार गत शुक्रबारसम्म ५ खर्ब ७८ अर्ब रुपैयाँ राजस्व संकलन भएको छ ।

अर्थमन्त्री खतिवडाले अघिल्लो वर्ष बजेट मार्फत स्वास्थ्य सेवा कर हटाएक थिए । अस्पतालमा स्वास्थ्य सेवा कर हटेपनि जनताले पाउने सुविधामा खासै परिवर्तन नभएको हुँदा यसलाई निरन्रता दिनुपर्नेमा करका कर्मचारी छन् । राजस्वको ग्याप बढी भएको हुँदा यसले पुनः निरन्तरता पाउने सम्भावना छ ।

बजेटसँगै आउने आर्थिक विधेयकमा उल्लेख भएका कुराहरु भन्सार सम्बन्धि दर अर्कोदिन देखि अन्य खाले कर साउन १ देखि कार्यान्वयनमा जान्छ । भन्सारमा हुने परिवर्तनले सरकारले यो वर्ष लिएको राजस्वको लक्ष्य पुरा गर्नको लागि मद्दत पुग्ने अनुमान अर्थका अधिकारीको छ ।

सरकारले यो पटक गैरकरका दरहरु समेत बढाउने छ । यसमा मुख्य रुपमा सवारी दर्ता गर्दा लिने शुल्क, सडक दस्तुर, घरजग्गा रजिष्ट्रेशन लगायतका गैरकरका शिर्षकहरु पर्छन् ।

यो समाचार  क्लिकमान्डु डटकम  बाट साभार गरिएको हो । यो समाचार तयार गर्नमा नेपाल ट्याक्स अनलाइनको कुनै संलग्नता छैन।

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links