काठमाडौँ — राष्ट्रिय प्रजातन्त्र पार्टीले पार्टीले निर्वाचन जितेको गाउँपालिका र उपमहानगरपालिकामा साविकको गाविस र नगरपालिकाले लगाएकोभन्दा बढी कर नलगाउन र लगाएको भए फिर्ता गर्न आग्रह गरेको छ । 

केन्द्रीय कार्यसम्पादन समितिको बिहीबार बसेको बैठकले स्थानीय तह, प्रदेश र सङ्घीय सरकारबाट लगाइएका विभिन्न करले निश्चित आय भएका सर्वसाधारण जनतालाई जीविकोपार्जनमा कठिन भएको ठहर गर्दै अव्यवहारिक र जनतालाई कष्ट पर्ने कर तत्काल खारेज गर्न माग गरेको प्रवक्ता भुवन पाठकले जानकारी दिए ।

गएको स्थानीय निकायको निर्वाचनमा राप्रपाले चार वटा गाउँपालिका अध्यक्ष र एक नगरपालिका प्रमुखमा जीतेको थियो ।

यो समाचार कान्तिपुर राष्ट्रिय दैनिक बाट साभार गरिएको हो | यो समाचार तयार गर्नमा नेपाल ट्याक्स अनलाइनको कुनै संलग्नता छैन |