न्यूजील्यान्डले फेसबुक र गुगलमाथि ‘डिजिटल कर’ लगाउने, नेपालमा के हुन्छ ?

न्यूजील्याण्डकी प्रधानमन्त्री जेसिण्डा आर्डेनले आय र करबीच निकै ठूलो अन्तर छ र यसलाई कम गर्न नयाँ तरिकाबाट कर लगाउने योजना बनाइएको हो । ‘हाम्रो अहिले व्यवस्था त्यस्तो उचित छैन जसले गर्दा व्यक्तिगत करदाताहरु र बहुराष्ट्रिय कम्पनीको साथ फरक–फरक व्यवहार गर्न सकियोस् । जुन सही हुँदैन’ उनले भनिन् ।

 

 

एजेन्सी । सामाजिक सञ्जाल फेसबुक र गुगलमाथि न्यूजील्यान्ड सरकारले सोमबारदेखि नयाँ ढङ्गले करको दायरामा ल्याउने घोषणा गरेको छ । नेपालमा पनि सामाजिक सञ्जाल फेसबुक, ट्वीटरमाथि कर लगाउने विषयमा बहस भइरहेको छ ।

अर्थमन्त्री डाक्टर युवराज खतिवडाले सामाजिक सञ्जाललाई करको दायरा ल्याउने बताइरहेका छन् । त्यसैगरी, सूचना तथा प्रविधि मन्त्री गोकुल बास्कोटाले पनि नेपालका कार्यालय नखोले बन्द गर्ने बताइरहेका छन् । तर, यसैबीच न्यूजील्याण्ड सरकारले फेसबुक र गुगलले देशबाट धेरै पैसा कमाएको तर एकदमै कम कर तिरेको फेला परेपछि नयाँ तरिकाबाट कर लगाउन लागेको हो ।

न्यूजील्याण्डकी प्रधानमन्त्री जेसिण्डा आर्डेनले आय र करबीच निकै ठूलो अन्तर छ र यसलाई कम गर्न नयाँ तरिकाबाट कर लगाउने योजना बनाइएको हो । ‘हाम्रो अहिले व्यवस्था त्यस्तो उचित छैन जसले गर्दा व्यक्तिगत करदाताहरु र बहुराष्ट्रिय कम्पनीको साथ फरक–फरक व्यवहार गर्न सकियोस् । जुन सही हुँदैन’ उनले भनिन् ।

यसका लागि प्रधानमन्त्री आर्डेनले प्रस्तावित डिजिटल सेवा करको अन्तर्गत बहुराष्ट्रिय अनलाइन कम्पनीहरुले न्यूजील्याण्डमा आफ्नो कमाईको लगभग दुई देखि तीन प्रतिशत करको रुपमा दिनुपर्ने कुरा बताइन् । ती कर दरहरु अन्य देशहरुको अनुरुप हुनेछ ।

राजस्व मन्त्री स्टुअर्ट नैशका अनुसार विदेशी अनलाइन कम्पनीलाई स्थानिय कम्पनीसँग प्रतिस्पर्धात्मक लाभ मिलेको छ । स्थानीय कम्पनीहरुले धेरै मात्रामा करको भूक्तान गर्छ र नयाँ करबाट सरकारको ढुकुटीमा वर्षेनी आठ करोड न्यूजील्याण्ड डलर सङ्कलन हुन्छ ।

यो समाचार  क्यापिटल नेपाल डटकम बाट साभार गरिएको हो । यो समाचार तयार गर्नमा नेपाल ट्याक्स अनलाइनको कुनै संलग्नता छैन।

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links