कर बचाउन देश छाड्दैछन् यी खर्बपति धनाढ्य

काठमाडौं । बेलायतका सबैभन्दा धनी व्यक्ति जेम्स रेटक्लिफ मुलुक छाड्ने तयारीमा छन् । उनी मोनोको जाने तयारीमा लागेका हुन् । समाचारमा बताइएअनुसार उनी करिब ५ खर्ब ७० अर्ब रुपैयाँबराबरको सम्पत्तिको कर बचाउन मुलुक छाड्ने तयारीमा रहेका हुन् ।

भूमध्य सागरको किनारामा रहेको मोनाकोलाई कर बचाउने मुलुकको रुपमा चिनिन्छ । रेटक्लिफ ब्रेक्जिटको समर्थकको रुपमा रहेका थिए । उनले युरोपियन युनियन (ईयू)को कडा नियमको विरोध गर्दै आएका थिए ।  रेटक्लिफ बेलायतको सरकारसँग कर बचाउने योजनाबारे पनि चर्चा गरिरहेका छन् । यदि यसमा सफलता मिलेको खण्डमा उनको कम्पनीका दुई अधिकारीहरुलाई १० अर्ब डलरको कर नलाग्ने रकम मिल्न सक्छ ।

करबारे निकै कडा नियम ल्याउनेबारे ईयूको विरुद्धमा बालेसँगै उनी चर्चामा आएका थिए । बेलायतको लिबरल डेमोक्रेट पार्टीका नेता विन्स केबलले भने जम्सले मुलुक छाडेर हिँड्नु गलत हुने बताएका छन् ।

रेटक्लिफ एक रसायन कम्पनी इनियोसका मालिक हुन् । यो कम्पनीको वार्षिक कारोबार ४५ अर्ब पाउण्डको हुने गरेको छ । यो कम्पनीका २२ मुलुकमा १८ हजारभन्दा बढी कर्मचारी छन् । कम्पनीका उत्पादनहरु पानी सफा गर्न, मञ्जन बनाउन, घरको सुरक्षा र खाद्यान्न प्याकेजिङको लागि गरिन्छ ।

रेटक्लिफलाई यसअघि सरकारको तर्फबाट पनि सहयोग मिलेको थियो । सन् २०१४ मा उनले एक ग्यास कम्पनी स्थापनाको लागि सरकारसँग २३ करोड पाउण्ड ऋण लिएका थिए । ब्रेक्जिटका एक अर्का समर्थक जेम्स डायसनले पनि आफ्नो कम्पनीको मुख्यालय सिंगापुरमा सार्ने घोषणा गरेका छन् ।

यो समाचार  हाम्राकुरा डटकम बाट साभार गरिएको हो । यो समाचार तयार गर्नमा नेपाल ट्याक्स अनलाइनको कुनै संलग्नता छैन।


 

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links