दीर्घकालीन कर्जाको ब्याजमा कर छुट दिन बैंकर्सको माग

२४ बैशाख, काठमाडौ । लामो समयसम्मका लागि प्रदान गरिने कर्जाको ब्याजमा कर छुट दिन बैंकर्सहरुले राष्ट्र बैंक समक्ष आग्रह गरेका छन् ।

यसरी राष्ट्र बैंकले ब्याजको करमा छुट दिएसँगै बैंकहरुले लामो समयसम्म ऋण लिने जलविद्युत आयोजना तथा उद्योगलाई अहिलेकोभन्दा कम ब्याजदरमा ऋण प्रदान गर्न सक्ने बताएका छन् ।
 

राष्ट्रबैंकले सोमबार राजधानीमा आयोजना गरेको पूर्व बजेटकालीन अन्तरक्रिया कार्यक्रममा बोल्दै बैंकर्स संघका अध्यक्ष ज्ञानेन्द्रप्रसाद ढुंगानाले अहिले तरलता अभावका कारण बैंक तथा वित्तीय संस्थाको ब्याज बढेको बताएका छन् ।

अहिले बैक तथा वित्तीय संस्थाका निक्षेप तथा कर्जा दुबै क्षेत्रमा ब्याज बढेको छ । तरलता अभाव भएका कारण बैंक तथा वित्तीय सस्थाले आफ्नो कर्जा बिस्तार गर्न सकेका छैनन् । जसका कारण केही बैंक तथा वित्तीय सस्थाहरुको मुनाफामा समेत गिरावट आएको छ ।

जलविद्युत तथा उद्योग क्षेत्र निर्माणका लागि लामो समय लाग्ने र तत्कालै ऋण फिर्ता नगर्ने भएका कारण बैंक तथा वित्तीय संस्थाले यस्तो क्षेत्रमा उच्च ब्याजदर कायम गरेका छन् ।

साथै यो क्षेत्रमा सहज तरिकाले ऋण समेत प्रवाह हुन सकेको देखिँदैन । राष्ट्र बैंकले यस्तो कर्जाको ब्याजमा कर छुट दिएमा बैंकहरुले सहज रुपमा कर्जा प्रदान गर्न सक्ने ढुंगाना बताउँछन् ।

साथै ढुंगानाले सरकारको विकास खर्च समयमै हुने वातावरण बनाउन समेत आग्रह गरेका छन् । साथै उनले त्यस्त्ाो विकास खर्च समयमै हुन नसके कुनै उपाय प्रयोग गरेर भए पनि बैंक तथा वित्तीय क्षेत्रमा ल्याउनुपर्ने बताए । यसो गर्दा बजारमा तरलता अभाव हुने उनको भनाइ छ ।

साथै उत्पादनमुलक क्षेत्रमा हुँदै आएको पुनर्कर्जा पनि बढाउन पर्ने उनको सुझाव छ । यसो गर्दा बजारमा रहेको तरलता अभाव हट्ने उनको भनाइ छ । साथै धरौटीको रुपमा रहेको १ खर्ब बराबरको रकम पनि बैंक तथा वित्तीय सस्थामा ल्याउन उनले सुझाव दिएका छन् ।

यो समाचार अनलाइनखबर  बाट साभार गरिएको हो | यो समाचार तयार गर्नमा नेपाल ट्याक्स अनलाइनको कुनै संलग्नता छैन |

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links