NMB Bank

Nepal Life Insurance

नाकाबन्दीको असर परेको वीरगंजमा राजस्व असुली सुध्रिँदै,९ महिनामा ४० करोड बढी संकलन

वीरगंज। गत आर्थिकवर्ष  डगमगाएको आन्तरिक राजस्व कार्यालय पर्साको राजस्व असुली यसवर्ष चालु आर्थिक वर्ष २०७४/०७५ मा सुधार हुँदै वृद्धि हुदै गएको छ। चालु आर्थिक वर्षको चैत मसान्तसम्म ९ महिनाको असुली लक्ष्यभन्दा १० प्रतिशतले वृद्धि भएको हो ।

१० प्रतिशत अर्थात ४० करोड बढी राजस्व उठेको हो । आन्तरिक राजस्व कार्यालय पर्साका प्रमुख कर अधिकृत गोपीकृष्ण कोइरालाका अनुसार यस आर्थिक वर्षको चैतसम्म पाएको जम्मा लक्ष्य ३ अर्ब ८३ करोड २० लाख रुपैयाँ मध्ये  ४ अर्ब २३ करोड ७६ लाख ४७ हजार रुपैयाँ संकलन भएको हो ।

यो लक्ष्यको १० दशमलव ५९ प्रतिशत हो ।कार्यालयले गत आवको चैतसम्म  ४ अर्ब १६ करोड ९९ लाख ४१ हजार लक्ष्य पाएकोमा ३ अर्ब १९ करोड ३५ लाख ९३ हजार रुपैयाँ राजस्व असुली गरेको थियो, जुन लक्ष्य भन्दा ७६ दशमलव ५९ प्रतिशत मात्र थियो ।

मधेस आन्दोलन र नाकाबन्दीको प्रभावका कारण थुप्रै प्रकारको कर गतवर्ष व्यवसायीहरुले बुझाएका थिएनन् । गतवर्ष चैत मसान्तसम्म राजस्व असुलीमा नराम्ररी प्रभाव परेको कार्यालयका सूचना अधिकारी सुशिल भट्टराईले बताए ।

चालु आर्थिक वर्षको चैतसम्म कार्यालयले राजस्व विभागबाट आयकरतर्फ रु ६० करोड, ८ लाख १२ हजार, घरबहाल घर तर्फ ३ करोड८३ लाख ६६ हजार, व्याज कर तर्फ रु २ करोड ९० लाख ६९ हजार, मुल्य अभिवृद्धिकर(आन्तरिक) तर्फ रु ५९ करोड ७९ लाख ११ हजार, अन्तशुल्क(आन्तरिक) तर्फ सबैभन्दा बढी  २ अब ५३ करोड, ४८ लाख ५० हजार रुपैयाँ उठाएको छ।

यसैगरी  स्वास्थ्य करतर्फ  २ करोड १४ लाख ३७ हजार, शिक्षा कर तर्फ  ९५ लाख ६१ हजार गरी कुल ३ अर्ब ८३ करोड २० लाख रुपैयाँको लक्ष्य पाएकोमा आयकर तर्फ  ७० करोड १७ लाख ८१ हजार, घरबहालकर तर्फ  ४ करोड ३९ लाख ९ हजार, व्याज कर तर्फ  २ करोड ४० लाख ८१ हजार, मूल्य अभिवृद्धि कर(आन्तरिक) तर्फ  ७७ करोड २६ लाख ६८ हजार, अन्तशुल्क(आन्तरिक) तर्फ   २ अर्ब६७ करोड ५० लाख १७ हजार, स्वास्थयकर तर्फ  १ करोड ३९ लाख ४४ हजार, शिक्षा कर तर्फ  ६२ लाख ४७ हजार गरी जम्मा ४ अर्ब २३ करोड ७६ लाख ४७ हजार रुपैयाँ संलकन गरेको जनाएको छ ।

सबैभन्दा बढी मुल्य अभिवृद्धि करमा वृद्धि भएको छ ।चालु आवको चैतसम्म १२९ प्रतिशत मल्य अभिवृद्धि कर संलकन भएको आन्तरिक राजस्व कार्यालय पर्साको तथ्याकले देखाउँछ ।

यो समाचार बिजमाण्डू  बाट साभार गरिएको हो | यो समाचार तयार गर्नमा नेपाल ट्याक्स अनलाइनको कुनै संलग्नता छैन |

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links