बुटवल उपमहानगरपालिकामा १०% घर बहाल कर उठाउन निर्देशन, आजैदेखि लागू हुने

रुपन्देही। बुटवल उपमहानगरपालिकाले जेठ १ गतेवाट घर बहाल कर  लिने भएको छ । उपमहानगरपालिकाले सबै वडा कार्यालयलाई आजदेखि घर बहाल कर उठाउन निर्देशन दिएको छ ।

त्यसका लागि मंगलबार नै उपमहानगरपालिकाले सबै वडा कार्यालयहरुमा पत्राचार गरेको थियो । सरकारले दिएको अधिकार अनुसार आजबाट घर बहाल कर उठाउन लागेको उपमहानगरपालिकाका राजस्व समितिका संयोजक तथा वडा नम्वर ४ का अध्यक्ष टंक पराजुलीले बताए  ।

बिगतमा आन्तरिक राजस्व कार्यालयमा १० प्रतिशत र नगरपालिकामा २ प्रतिशत बुझाउनु पर्ने व्यवस्था रहेकोमा उपमहानगरपालिकाले नगर परिसदको निणर्य अनुसार १० प्रतिशत घर बहाल कर लिने छ ।

उपमहानगरपालिकाले चालु आर्थिक बर्षको घर वहाल कर तिर्दा आन्तरीक राजश्व कार्यालयमा तिरी सकेकालाई २ प्रतिशत मात्रै लिने व्यवस्था गरेको आर्थिक महाशाखा प्रमुख शिवनारायण शाहले वताए ।

बुटवल उपमहानगरले घरबहाल कर लिने भएपछि  आन्तरिक राजस्व कार्यालयले घर बहाल कर उठाउने छैन । उपनगरपालिकाले घर बहाल उठाउँदा बुटवलबाट करोडौ घर बहाल कर उठने अनुमान गरीएको छ ।

यो समाचार बिजमाण्डू डट कम  बाट साभार गरिएको हो | यो समाचार तयार गर्नमा नेपाल ट्याक्स अनलाइनको कुनै संलग्नता छैन |

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links