NMB Bank

Nepal Life Insurance

ब्रिटिस काउन्सिलले कर नतिरेको बारे अनुसन्धान गर्न गृह मन्त्रालयको निर्देशन

काठमाडौँ — ब्रिटिस काउन्सिलले नेपाल सरकारलाई कुनै किसिमको कर नतिरेको सम्बन्धमा अनुसन्धान हुने भएको छ । गृह मन्त्रालयले जिल्ला प्रशासन कार्यालयलाई पत्राचार गरी अनुसन्धान गर्न निर्देशन दिएको हो ।
काठमाडौंस्थित ब्रिटिस काउन्सिल इण्डियामा रहेको ब्रिटिस काउन्सिल मातहत छ । उसले क्याम्ब्रिज युनिभर्सिटीअन्तर्गत विभिन्न प्राज्ञिक कार्यक्रम तथा अंग्रेजी भाषाको परीक्षा सञ्चालन गर्दैआएको छ ।

‘आइइएलटीएसको परीक्षा सञ्चालन, कपी परीक्षकलाई भिसा प्रक्रियालगायत नेपाल सरकारलाई कर नबुझाएको सम्बन्धमा पत्राचार भएको छ,’ स्रोतले भन्यो ।

काउन्सिलले नेपालमा ती शैक्षिक कार्यक्रमहरू सञ्चालन गरेवापत बेलायतमा तोकिएको पाउण्ड स्टर्लिङकै दरभाउमा विद्यार्थीसित शुल्क असुल्दै आएको छ । उसले भारत, पाकिस्तानलगायत मुलुकमा त्यसैगरी शुल्क असुल्छन् । त्यहाँ उसले कर तिर्छ । तर, नेपालमा तिर्दैन । नतिर्नुको कारण खुलाएको छैन । काउन्सिललाई शैक्षिक परामर्श संघ नेपाल (इक्यान)लगायत परामर्शदाता संस्थाले साथ दिँदै आएको जनाइएको छ ।

शिक्षा मन्त्रालयका सहसचिव बैकुण्ठ अर्यालले दुई देशबीचको सम्झौताअनुसार कुटनीतिक नियोगले कर तिर्न नपर्ने बताउँछन् । ‘दुई पक्षीय सम्झौताअनुसार हुन्छ,’ मन्त्रालयका प्रवक्तासमेत रहेका अर्याल घुमाउरो शैलीमा भने, ‘यसबारे सम्झौतापत्रमा के छ, हेरेर मात्र भन्न सक्छु ।’

ब्रिटिस काउन्सिलले हरेक वर्ष काठमाडौं, पोखरा र चितवनमा हुने ‘इक्यान शैक्षिक मेला’को मुख्य प्रायोजकको भूमिका निर्वाह गर्दैआएको छ । काउन्सिलले आइइएलटीएसमा सबैभन्दा बढी संख्यामा विद्यार्थी दिने परामर्शदाता संस्थालाई इक्यान र आइरिन संघमार्फत् बेलायत भ्रमण गराउने गरेको छ ।

काउन्सिलको मुख्य उद्देश्य दुई देशको संस्कृति, शैक्षिक गतिविधिहरु आदान प्रदान गर्नु रहेको छ । तर अहिले वर्षमा १ अर्बभन्दा बढीको व्यापार गर्दैआएको जनाइएको छ । आन्तरिक राजस्व कार्यालयले कर असुल्ने प्रयास विफल बनेको जनाएको छ ।


यो समाचार  कान्तिपुर राष्ट्रिय दैनिक  बाट साभार गरिएको हो । यो समाचार तयार गर्नमा नेपाल ट्याक्स अनलाइनको कुनै संलग्नता छैन।

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links