कर बढाउने निर्णयबाट पछि हट्यो विराटनगर महानगर


२९ साउन, विराटनगर । विराटनगर महानगरपालिका कर बढाउने निर्णयबाट पछि हटेको छ । चौतर्फी दबाव बढेपछि महानगर कर बढाउने निर्णयबाट पछि हटेको हो ।

महानगरपालिकाले आर्थिक ऐन २०७५ मा संशोधन गरी वृिद्ध गरेको करको दर, शुल्क तथा महशुल घटाएको हो । कार्यपालिकाको सम्पन्न बैठकबाट ऐन संशोधन गरी कर, शुल्क, महशुल, नवीकरण दस्तुर आदिमा व्यापक हेरफेर गरेर छ ।

जन्म तथा मृत्यु दर्तामा ५ सय रुपैयाँ लिने व्यवस्था संशोधन गरेर ३५ दिनसम्म दर्ता गर्दा निःशुल्क हुने व्यवस्था गरिएको छ । छोरीको हकमा जहिले दर्ता गर्दा पनि जरिवाना लाग्ने छैन भने छोराको हकमा ३५ दिन कटेपछि ३ सय रुपैयाँ दस्तुर लिने प्रस्ताव गरिएको छ ।

यसैगरी सम्बन्ध विच्छेदको सिफारिस शुल्कलाई ३ हजारबाट घटाएर १ हजार लिने निर्णय भएको छ ।

घरबाटो सिफारिसमा कच्ची बाटोको हकमा रकम घटाइएको छ । असार १० गते पारित बजेटमा कच्ची बाटोको सिफारिस लिँदा २ हजार लाग्ने व्यवस्था गरिएको थियो । त्यसलाई घटाएर एक हजार ५ सय तोकिएको छ ।

व्यवसाय नवीकरण शुल्कमा फेरबदल गरिएको छ । कुर्ता सलवार, छाला जुत्ता, कम्प्युटर पार्टस, गाडीका पार्टस् आदि व्यवसाय नवीकरण दस्तुरमा ५० प्रतिशतसम्म घटाइएको छ ।

घर नक्सा पास गर्दा लाग्ने करमा पनि रकम घटाइएको छ । एक हजार फिटसम्मको घर नक्सा पास गर्दा प्रति वर्ग्फिट १० रुपैयाँबाट घटाएर ७ रुपैयाँ, १५०० वर्ग्फिटसम्मका १५ बाट घटाएर १२ रुपैयाँ र २५ सय वर्ग्फिटसम्म २४ बाट २० रुपैयाँ र २५ सय वर्ग्फिटभन्दा माथि २४ रुपैयाँ कायम गरिएको छ ।

महानगरले सम्पति मूल्यांकन दरमा पनि केही कम गर्ने प्रस्ताव अघि बढाएको छ । विराटनगर महानगर कार्यपालिकाका प्रवक्ता उद्धव अर्यालले सर्वसाधारणलाई प्रत्यक्ष असर पर्ने कर, दस्तुर, महशुल र शुल्कमा समायोजन गरिएको जानकारी दिए ।

सबैको भवनाअनुसार वृद्धि भएको कर र महशुलमा पुनरावलोकन गरिएको उनले बताए ।

महानगरपालिकाले भेटेनरीतर्फ वृद्धि गरेको शुल्कमा भने कुनै कटौती गरेको छैन ।

किसानलाई प्रोत्साहन गर्ने र दुध तथा मासु उत्पादनमा आत्मनिर्भर बन्ने सरकारको नीतिविपरीत महानगरले पशु चौपायाको कृतिम गर्भाधान, उपचार आदि शुल्कमा दोब्बर भन्दा बढी शुल्क वृद्धि गरेको थियो ।

यो समाचार अनलाइनखबर डटकम  बाट साभार गरिएको हो | यो समाचार तयार गर्नमा नेपाल ट्याक्स अनलाइनको कुनै संलग्नता छैन |

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links