नदीजन्य पदार्थ चोरी गर्नेबाट २८ बढी लाख राजस्व


दाङ-जिल्ला समन्वय समिति दाङले नदीजन्य पदार्थको अवैध उत्खनन र चोरी निकासी गर्नेबाट कारबाहीस्वरुप २८ लाख ५० हजार रुपैयाँ राजस्व संकलन गरेको जनाएको छ । 
अवैध उत्खनन तथा निकासीमा प्रयोग गरिएका ३९९ वटा सवारी साधनलाई कारबाही गरी २८ लाख ५० हजार रुपैयाँ राजस्व जम्मा गरेको समन्वय समितिले जानकारी दिएको छ । जिल्ला समन्वय समितिले घोराहीमा पत्रकार सम्मेलन आयोजना गरी यस्तो जानकारी दिएको हो । पत्रकार सम्मेलनमा जिल्ला समन्वय समितिका उपप्रमुख श्रीधर शर्मा पौडेलले अवैध रूपमा उत्खनन तथा चोरी निकासी गर्नेलाई कारबाही गरी राजस्व उठाएको बताए । उनका अनुसार हालसम्म अवैध रूपमा उत्खनन तथा निकासीमा संलग्न भएको भन्दै २६ वटा जेसीबी, टिप्पर २४ र ३४९ ट्रयाक्टर गरी ३९९ वटा सवारी साधनलाई कारबाही गरेको जानकारी दिए । जिल्ला समन्वय समितिले अनुगमनलाई तीव्रता दिएको जनाएको छ । त्यसैगरी विपत व्यवस्थापनअन्तर्गत जिल्लाका विभिन्न स्थानमा उत्खनन गरिएको नदीजन्य वस्तुबाट १ करोड ९६ लाख २२ हजार ४० रुपैयाँ संकलन गरिएको समन्वय समितिका उपप्रमुख पौडेलले जानकारी दिए । 
जिल्ला समन्वय समितिले दिएको ठेक्काबाट ७ करोड बढी रकम राजस्व प्राप्त गरेको जनाएको छ । समन्वय समितिले असार १ गतेदेखि जिल्लामा भइरहेको नदीजन्य पदार्थ उत्खनन कार्य पूर्णरूपमा बन्द गरिने उपप्रमुखले बताए । समितिले अनुगमनका क्रममा २७ वटा क्रसरको अनुगमनसमेत गरेको जिल्ला समन्वय समितिका प्रमुख जितेन्द्रमान नेपालीले जानकारी दिए । 
-अमरराज आचार्य 

यो समाचार  कारोबार दैनिक बाट साभार गरिएको हो | यो समाचार तयार गर्नमा नेपाल ट्याक्स अनलाइनको कुनै संलग्नता छैन |

Media Roundup includes tax related news coverage in media, Nepal and abroad, that we find useful to share to our readers. We do not own the contents of these news articles, and Nepal Tax Online team is not included in the process of publication of these news. We also do not vouch for authencity when publishing. The source of the news article is published at the bottom of each news, where possible.

Social Links