काठमाडौं । आन्तरिक राजस्व विभागले अन्तःशुल्क करदाताले कर बुझाउनुअघि आफ्नो ब्रान्ड दर्ता गराउनुपर्ने व्यवस्था गरेको छ । विभागले कर कार्यालयमा मासिक विवरण बुझाउनुअघि नै अनिवार्य रूपमा आफ्नो उत्पादनको ब्रान्ड दर्ता गर्नुपर्ने व्यवस्था गरेको हो ।

विभागका अनुसार सुर्तीजन्य र मदिराजन्य वस्तुका उत्पादकले आन्तरिक राजस्व विभागको वेबसाटमार्फत ब्रान्ड अपलोड गरी आन्तरिक राजस्व कार्यालय वा करदाता सेवा कार्यालयमा गइ भेरिफाइ गराउनुपर्नेछ । 
सुर्तीजन्य र मदिराजन्यबाहेक अन्य वस्तुका उत्पादकले अन्तःशुल्क विवरण भर्दाकै अवस्थामा तयारी वस्तुको विवरणसँगै एकपटकका लागि सम्बन्धित आन्तरिक राजस्व कार्यालय वा करदाता सेवा कार्यालयबाट ब्रान्डसमेत भेरिफाइ गराउनुपर्ने विभागले सूचनामा उल्लेख गरेको छ ।

(यो समाचार  बाह्रखरी १६ भाद्र २०७७  मा प्रकाशित लेख बाट साभार गरिएको हो । यो लेखमा व्यक्त रायमा नेपाल ट्याक्स अनलाइनको कुनै संग्लग्नता रहेको छैन  )